أكطاع بين الصحافة والوزارة والهيشة العليا

Share

نقدم لكم هذا لكطاع بين الصحافة الحرة ووزارة الإتصال والهيشة العليا للصحافة والسمعيات البصرية حول الدعم العمومي للصحافة ...أسمعوا...

قال الحسين ولد محنض (جريدة الأمل):

-  حريْتْ الصحافَه سنتاتْ <> واللاّشِ عادتْ هون اكْبالْ
-  يُكيّلْ و الفظّ ما فاتْ <> حظرتْ بعدْ افذاكْ التكيالْ

رد عليه وزير الإعلام محمد يحي ولد حرمه قائلا:

-  ريتو ميتين - ألا بشور- <> مليونْ ؤ ذَ ماهو ترطالْ
-  فالعام الِّلي فايتْ وِإدور <> يخلكْ ذاكْ امللِّ مــــــزالْ

تدخل الهيبه ولد الشيخ سيداتي (مدير وكالة الأخبار أينفو) قائلا:

-  معناهَ عنْ بشمركِ كْط <> فللِّ يسبكْ من ذاك الحالْ
-  فاتْ ازمكْ ما كْاع إورط <> لاهي يزمكْ قطعا مـزال

فأجابه حمود ولد امحمد رئيس (هيشة الصحافة والسمعيات البصرية) قائلا:

-  اعيال اللِّي لايشقينَ <> صحافتنَ عادت بكمال
-  اعلين ،ما زين اعلين <> يزمك حد اتلَ من لعيال

تدخلت منتان منت لمرابط متحدثة باسم التلفزيونات والإذاعات المستقلة وقالت:

-  ما مسخِ بيه اليغفللِّ <> ماهو متينْ ابذيكْ الحالْ
-  يشطن ذاك اعلَ ذلّلي <> مافاتْ أخممْ فيه أكْبالْ

فرد عليها أحمد ولد محمد لمين (مدير قناة شنقيط) قائلا:

-  ألف ؤ مليون ؤ مليونينْ <> والفظَ ذَ العامْ ابلَشكالْ
-  ما تنْكال... ألاّ فصْلى بينْ <> شي ينكال ؤش ما ينكالْ

عن ش إلوح أفش

Share

معلومات إضافية